طالبان رجیم کی بدترین کارکردگی، افغانستان جنوبی ایشیا کا ناکام ترین ملک قرار

آسٹریلین تھنک ٹینک ‘انسٹی ٹیوٹ فار اکنامکس اینڈ پیس’ کی جانب سے جاری کردہ ‘پوزیٹو پیس انڈیکس (PPI) رپورٹ 2026ء’ میں افغان طالبان حکومت کی ناقص کارکردگی کو شدید تنقید کا نشانہ بناتے ہوئے افغانستان کو جنوبی ایشیا کا ناکام ترین ملک قرار دیا گیا ہے۔ عالمی رپورٹ کے مطابق طالبان کے دورِ حکومت میں افغانستان شدید بدامنی، خراب حکمرانی، معاشی پسماندگی اور آزادیِ اظہار پر پابندیوں جیسے سنگین بحرانوں کی لپیٹ میں آ چکا ہے۔

رپورٹ کے مطابق دنیا کے 163 ممالک کی درجہ بندی میں افغانستان 157ویں نمبر پر موجود ہے، جس کے ساتھ ہی یہ دنیا کے سب سے زیادہ پسماندہ اور غیر مستحکم ممالک کی فہرست میں شامل ہو گیا ہے۔ انڈیکس میں 3.3 فیصد کی نمایاں تنزلی کے بعد افغانستان گزشتہ ایک دہائی میں جنوبی ایشیا کا واحد شدید ترین ناکام ریاست بن کر ابھرا ہے۔ اس کے علاوہ افغان رجیم کے تحت صحافتی آزادی میں 78.8 فیصد کی تاریخی گراوٹ ریکارڈ کی گئی ہے، جس نے افغانستان کو میڈیا اور صحافتی آزادی کے اعتبار سے بھی پورے خطے کا بدترین ملک بنا دیا ہے۔