وزیراعظم نے پاکستان کی کریڈٹ ریٹنگ میں بہتری کو ملکی معیشت کیلئے اہم سنگ میل قرار دے دیا

وزیراعظم محمد شہباز شریف نے عالمی کریڈٹ ریٹنگ ایجنسی ایس اینڈ پی (S&P) گلوبل کی جانب سے پاکستان کی خودمختار کریڈٹ ریٹنگ “B-” سے بڑھا کر “B” کیے جانے کا خیرمقدم کرتے ہوئے اسے ملکی معیشت کے لیے ایک اہم سنگِ میل قرار دیا ہے۔ وزیراعظم نے اپنے بیان میں کہا کہ یہ کامیابی حکومت کی مؤثر معاشی پالیسیوں، مالیاتی نظم و ضبط، اور اصلاحاتی اقدامات پر عالمی اعتماد کا روشن ثبوت ہے، جس سے ثابت ہوتا ہے کہ معیشت کو استحکام دینے اور زرمبادلہ کے ذخائر بڑھانے کے لیے اٹھائے گئے قدم درست سمت میں گامزن ہیں۔

وزیراعظم شہباز شریف نے کہا کہ حکومت کے مشکل لیکن ضروری معاشی فیصلوں کے مثبت نتائج اب عالمی سطح پر تسلیم کیے جا رہے ہیں، جس سے بین الاقوامی سرمایہ کاروں کا اعتماد بحال ہوگا اور ملک میں سرمایہ کاری کے نئے مواقع پیدا ہوں گے۔ انہوں نے نائب وزیراعظم اسحاق ڈار، وزیر خزانہ محمد اورنگزیب اور ان کی معاشی ٹیم کی کاوشوں کو سراہتے ہوئے خراجِ تحسین پیش کیا۔ وزیراعظم نے اس عزم کا اعادہ بھی کیا کہ پاکستان کو پائیدار اور مضبوط اقتصادی بنیادیں فراہم کرنے کے لیے معاشی اصلاحات کا یہ سفر پوری سنجیدگی کے ساتھ جاری رہے گ