وزیراعظم شہباز شریف ایک روزہ دورے پر قطر پہنچ گئے، نواز شریف بھی ہمراہ

وزیراعظم شہباز شریف ایک روزہ سرکاری دورے پر قطر پہنچ گئے ہیں، جہاں وہ قطر کے سابق امیر مرحوم شیخ حمد بن خلیفہ آل ثانی کے انتقال پر امیرِ قطر شیخ تمیم بن حمد آل ثانی اور قطری شاہی خاندان سے دلی تعزیت کا اظہار کریں گے۔ سابق وزیراعظم نواز شریف، نائب وزیراعظم و وزیرِ خارجہ اسحاق ڈار اور وفاقی وزیرِ اطلاعات عطا تارڑ بھی وزیراعظم کے ہمراہ قطر پہنچے ہیں۔ یاد رہے کہ قطر کے سابق امیر شیخ حمد بن خلیفہ آل ثانی گزشتہ روز 74 برس کی عمر میں انتقال کر گئے تھے۔ وزیراعظم کا یہ ہنگامی دورہ پاکستان اور قطر کے مابین دہائیوں پر محیط دیرینہ، برادرانہ اور قریبی تعلقات کی عکاسی کرتا ہے۔ اس موقع پر وزیراعظم شہباز شریف قطری قیادت سے ملاقات میں قطری عوام اور حکومت کے ساتھ پاکستانی عوام کی جانب سے یکجہتی اور دکھ کا اظہار بھی کریں گے۔