وزیراعظم شہباز شریف ایک روزہ دورے پر قطر روانہ

وزیراعظم محمد شہباز شریف ایک روزہ سرکاری دورے پر قطر کے دارالحکومت دوحہ کے لیے اسلام آباد سے روانہ ہو گئے ہیں۔ اس اعلیٰ سطحی دورے میں مسلم لیگ (ن) کے قائد اور سابق وزیراعظم میاں محمد نواز شریف، نائب وزیراعظم و وزیر خارجہ سینیٹر اسحاق ڈار اور وفاقی وزیرِ اطلاعات و نشریات عطاء اللہ تارڑ بھی وزیراعظم کے ہمراہ ہیں۔ اپنے اس مختصر دورے کے دوران وزیراعظم شہباز شریف قطر کے امیر شیخ تمیم بن حمد آل ثانی سے خصوصی ملاقات کریں گے اور سابق امیر مرحوم شیخ حمد بن خلیفہ آل ثانی کے انتقال پر امیرِ قطر، قطری شاہی خاندان اور وہاں کے عوام سے حکومتِ پاکستان اور پاکستانی عوام کی جانب سے گہرے دکھ اور تعزیت کا اظہار کریں گے۔ ترجمان کے مطابق، وزیراعظم کا یہ اہم دورہ قطری شاہی خاندان، قطری عوام اور پاکستانی حکومت و عوام کے مابین دہائیوں پر محیط دیرینہ، مخلصانہ اور برادرانہ تعلقات کا عکاس ہے۔