روزگار کیلئے جامع حکمت عملی پر بھرپور انداز میں کام کیا جائے: وزیراعظم

وزیراعظم شہباز شریف سے چیئرمین یوتھ پروگرام رانا مشہود نے ملاقات کی، جس میں وزیراعظم کو یوتھ پروگرام کے تحت جاری مختلف فلاحی اور ترقیاتی منصوبوں میں پیشرفت پر تفصیلی بریفنگ دی گئی۔ اس موقع پر وزیراعظم شہباز شریف نے تاکید کرتے ہوئے کہا کہ نوجوانوں کو معیاری تعلیم، ڈیجیٹل مہارتوں اور پیشہ ورانہ تربیت کی فراہمی حکومت کی اولین ترجیح ہے۔ انہوں نے مزید کہا کہ ہنر مند اور اعلیٰ تعلیم یافتہ نوجوان ملکی معیشت اور معاشرتی ترقی میں کلیدی حیثیت رکھتے ہیں، جبکہ حکومت نوجوانوں کو مساوی اور یکساں مواقع فراہم کرنے کے لیے تمام دستیاب وسائل کو موثر انداز میں بروئے کار لا رہی ہے۔