وزیراعظم اور فیلڈ مارشل نے سکائی 47 ڈیٹا سینٹر ’قراقرم ون‘ کا افتتاح کر دیا

وزیراعظم شہباز شریف اور فیلڈ مارشل سید عاصم منیر نے وفاقی دارالحکومت میں پاکستان کے سب سے بڑے سکائی 47 ڈیٹا سینٹر ’قراقرم ون‘ کا باضابطہ افتتاح کر دیا ہے۔ افتتاحی تقریب کے دوران دونوں رہنماؤں کو کلاؤڈ کمپیوٹنگ، مصنوعی ذہانت (AI) اور ہائی پرفارمنس کمپیوٹنگ سے لیس اس جدید ترین منصوبے کی خصوصیات پر تفصیلی بریفنگ دی گئی۔ وزیراعظم شہباز شریف نے اپنے خطاب میں اس منصوبے کو پاکستان کے روشن مستقبل کی ضمانت قرار دیتے ہوئے فیلڈ مارشل سید عاصم منیر اور شراکت دار ادارے زیڈ ٹی ای (ZTE) کو خراجِ تحسین پیش کیا۔ دوسری جانب وفاقی وزیرِ آئی ٹی شزا فاطمہ خواجہ نے کہا کہ یہ ڈیٹا سینٹر ملک میں مصنوعی ذہانت کے نئے دور کا آغاز اور ڈیجیٹل معیشت کی استحکام میں سنگِ میل ثابت ہو گا۔