وزیراعظم کا چھوٹے کاروبار کی معاونت کے لیے حکمت عملی بنانے کا حکم
Web Desk
16 September 2026
وزیراعظم محمد شہباز شریف نے سمال اینڈ میڈیم انٹرپرائزز ڈیولپمنٹ اتھارٹی (SMEDA) کو ملک بھر میں چھوٹے اور درمیانے درجے کے کاروبار (SMEs) کی مالی معاونت، فنی صلاحیتوں میں اضافے اور عالمی منڈیوں تک رسائی کے لیے ایک جامع اور مربوط حکمت عملی تیار کرنے کا حکم دیا ہے۔ وزیراعظم کی زیر صدارت سمیڈا کے تحت جاری اقدامات کا جائزہ اجلاس ہوا، جس میں ملک بھر کے چھوٹے تاجروں کو مساوی سہولیات فراہم کرنے کی ہدایت کی گئی۔
اجلاس کے دوران وزیراعظم نے تاکید کی کہ مقامی مصنوعات کی قومی اور عالمی تجارتی منڈیوں تک رسائی کے لیے جدید ڈیجیٹل پلیٹ فارمز کا موثر استعمال یقینی بنایا جائے۔ انہوں نے چھوٹے کاروباروں میں خواتین کی شمولیت بڑھانے، زرعی اجناس کے پیداواری اور تجارتی روابط کو منظم کرنے، اور تمام علاقوں کو مساوی یکساں فنی و مالی معاونت کی فراہمی پر زور دیا۔ وزیراعظم نے کہا کہ کاروباری افراد کی رہنمائی اور ترقی حکومت کی اولین ترجیح ہے۔
اجلاس کو بریفنگ دیتے ہوئے حکام نے بتایا کہ سمیڈا مختلف اداروں کے باہمی تعاون سے ایک منظم فریم ورک پر کام کر رہی ہے تا کہ صنعتی پیداوار کی برآمدات میں اضافہ کیا جا سکے۔ اس اہم اجلاس میں نائب وزیراعظم و وزیر خارجہ اسحاق ڈار، وفاقی وزیر تجارت جام کمال، رانا تنویر حسین، اعظم نذیر تارڑ، احد چیمہ، بلال اظہر کیانی اور چیئرمین وزیراعظم یوتھ پروگرام رانا مشہود احمد خان سمیت اعلیٰ حکام نے شرکت کی۔
متعلقہ عنوانات
توانائی کی ترسیل کے لیے آبنائے ہرمز کا کوئی متبادل راستہ موجود نہیں: قطری وزیراعظم
16 November 2026
امیر تبلیغی جماعت حضرت مولانا نذرالرحمٰن انتقال کر گئے
16 November 2026
تاریخ میں پہلی بار صوبوں کی جانب سے وفاق کو 57 ارب 46 کروڑ کی گرانٹ
16 November 2026
پاکستان خطے میں ترقی کے لیے بات چیت سے تنازعات کا خاتمہ چاہتا ہے: اسحاق ڈار
16 November 2026
یمنی حکومتی فورسز کا باب المندب کے علاقے سے انخلا کا اعلان
16 November 2026
غیر محتاط الزام تراشی انسانی زندگیوں کیلئے خطرہ بن سکتی ہے: صدر، وزیر اعظم
16 November 2026
پاکستان سٹاک مارکیٹ میں کاروبار کا مثبت رحجان
16 November 2026
ای سی او وزرائے خارجہ کونسل کے اجلاس کا آغاز، وژن 2035 کی منظوری متوقع
16 November 2026