پی آئی اے کی نجکاری؛ عارف حبیب کنسورشیم 25 مئی تک انتظامی کنٹرول سنبھالے گا، 180 ارب روپے کی ٹرانزیکشن کا اعلان

پی آئی اے ہولڈنگ کمپنی نے پاکستان اسٹاک ایکسچینج کو لکھے گئے ایک خط میں مطلع کیا ہے کہ عارف حبیب کنسورشیم نے نجکاری کمیشن کی مقررہ تاریخ 25 مئی یا اس سے قبل پی آئی اے کا انتظامی کنٹرول سنبھالنے کا اعلان کر دیا ہے۔ کنسورشیم نے پی آئی اے کے بقیہ 25 فیصد حصص کی خریداری کے حوالے سے بھی نجکاری کمیشن کو آگاہ کر دیا ہے۔ اس بڑے مالیاتی منصوبے کے تحت مجموعی طور پر 180 ارب روپے کی ٹرانزیکشن کی جائے گی، جس سے قومی ایئرلائن کی مالی حالت بہتر بنانے میں مدد ملے گی۔