پٹرولیم ڈویژن کا پٹرول اور ڈیزل کی قیمتیں برقراررکھنے کا اعلان

پٹرولیم ڈویژن نے پٹرولیم مصنوعات کی قیمتوں کے حوالے سے باضابطہ نوٹیفکیشن جاری کرتے ہوئے اعلان کیا ہے کہ پٹرول اور ڈیزل کی موجودہ قیمتیں 27 جولائی (پیر) تک بدستور برقرار رہیں گی۔ نوٹیفکیشن کے مطابق ہفتہ اور اتوار کے دوران قیمتوں میں کسی قسم کا رد و بدل نہیں کیا جائے گا اور عوام کو موجودہ مقررہ نرخوں پر ہی پٹرولیم مصنوعات دستیاب ہوں گی۔

دوسری جانب حکام کا کہنا ہے کہ حکومت نے فی الحال پٹرولیم مصنوعات کی قیمتوں میں اضافے یا کمی سے متعلق کوئی نیا فیصلہ نہیں کیا ہے۔ تمام مصنوعات بشمول پٹرول اور ہائی سپیڈ ڈیزل پر موجودہ قیمتیں ہی نافذ العمل رہیں گی، جبکہ نئی قیمتوں کے تعین کے بارے میں حتمی فیصلہ آئندہ جائزے کے بعد کیا جائے گا۔