پٹرول اور ڈیزل مزید مہنگا، حکومت نے ریلیف سے قبل قیمتیں آسمان پر پہنچا دیں

وفاقی حکومت نے پٹرولیم مصنوعات کی قیمتوں میں ایک بار پھر اضافے کا اعلان کرتے ہوئے نیا نوٹیفکیشن جاری کر دیا ہے۔ پٹرولیم ڈویژن کی جانب سے جاری کردہ نوٹیفکیشن کے مطابق پٹرول کی قیمت میں 4 روپے 10 پیسے فی لیٹر، جبکہ ہائی اسپیڈ ڈیزل کی قیمت میں 6 روپے 41 پیسے فی لیٹر اضافہ کر دیا گیا ہے۔ اس تازا ترین اضافے کے بعد پٹرول کی نئی قیمت 384 روپے 34 پیسے اور ڈیزل کی نئی قیمت 415 روپے 83 پیسے فی لیٹر مقرر کی گئی ہے۔ نوٹیفکیشن کے مطابق نئی قیمتوں کا اطلاق 16 ستمبر 2026ء سے ہو گا۔

دوسری جانب مسلسل بڑھتی ہوئی قیمتوں پر عوام نے شدید غصے اور ناراضی کا اظہار کیا ہے۔ شہریوں کا کہنا ہے کہ روز بروز کی مہنگائی نے عام آدمی کا جینا محال کر دیا ہے اور پٹرول و ڈیزل کی قیمتوں میں اضافے سے ٹرانسپورٹ کے کرایوں سمیت تمام بنیادی اشیائے خورونوش مزید مہنگی ہو جائیں گی۔ عوامی حلقوں نے حکومت سے مطالبہ کیا ہے کہ قیمتوں میں بار بار کے اضافے کا سلسلہ فوری روکا جائے اور عوام کو ریلیف فراہم کیا جائے تاکہ وہ بنیادی ضرورتِ زندگی پوری کر سکیں۔