پٹرول مزید 3 روپے 66 پیسے، ڈیزل4 روپے 80 پیسے مہنگا، نوٹیفکیشن جاری

حکومت نے عوام پر مہنگائی کا ایک اور بم گراتے ہوئے پٹرولیم مصنوعات کی قیمتوں میں ایک بار پھر اضافہ کر دیا ہے۔ پٹرولیم ڈویژن کے مطابق اوگرا کی جانب سے کی گئی اس حالیہ ترمیم کے تحت پٹرول کی قیمت میں 3 روپے 66 پیسے فی لٹر اضافہ کیا گیا ہے، جس کے بعد پٹرول کی نئی قیمت 335 روپے 18 پیسے فی لٹر ہو گئی ہے۔ اسی طرح ہائی سپیڈ ڈیزل کی قیمت میں 4 روپے 80 پیسے فی لٹر کا اضافہ ریکارڈ کیا گیا ہے، جس کے بعد ڈیزل کی نئی قیمت 383 روپے 46 پیسے فی لٹر مقرر کی گئی ہے۔ حکومت کے مطابق نئی قیمتوں کا اطلاق آج رات 12 بجے سے کل رات 12 بجے تک نافذ العمل ہو گا۔ معاشی ماہرین اور عوام کا ماننا ہے کہ پٹرول اور ڈیزل کی قیمتوں میں اس اضافے سے ٹرانسپورٹ کے کرایوں، اشیائے خورد و نوش اور دیگر ضروری اشیاء کی قیمتوں میں مزید گرانی آئے گی، جس سے پہلے سے پریشان عوام پر مہنگائی کا بوجھ مزید بڑھ جائے گا۔