قومی ٹیم ٹی 20 ورلڈ کپ میں بھیجنے کا فیصلہ حکومت کرے گی: محسن نقوی

چیئرمین پاکستان کرکٹ بورڈ (پی سی بی) محسن نقوی نے کہا ہے کہ قومی ٹیم کو ٹی 20 ورلڈ کپ میں بھیجنے یا نہ بھیجنے کا حتمی فیصلہ حکومت کرے گی۔ وہ صوبائی دارالحکومت میں میڈیا سے گفتگو کر رہے تھے۔

محسن نقوی نے کہا کہ پی سی بی حکومت کے فیصلے کے پابند ہے اور کوئی بھی ملک پاکستان کو ڈکٹیٹ نہیں کر سکتا۔ انہوں نے مزید کہا کہ پلان اے، بی اور سی تیار ہیں اور اگر حکومت چاہے تو ٹیم کو بھیجا جائے، بصورت دیگر متبادل انتظام کیا جا سکتا ہے۔

چیئرمین پی سی بی نے آئی سی سی اجلاس میں دہرا معیار نہ رکھنے پر زور دیتے ہوئے کہا کہ پاکستان اور بھارت کے لیے ہائبرڈ ماڈل کی اجازت ہے، تو بنگلادیش کے لیے بھی ہونی چاہیے۔ بنگلادیش کو ہر صورت ورلڈ کپ میں شامل ہونا چاہیے۔

انہوں نے یہ بھی انکشاف کیا کہ پاکستانی کھلاڑیوں سے فراڈ ہوا ہے اور مسئلہ حل کرنے کے لیے رابطہ کیا جائے گا۔