محسن نقوی کی کھلاڑی سے ملاقات: ٹی 20سیریز جتینے پر مبارکباد دی

چیئرمین پاکستان کرکٹ بورڈ محسن نقوی نے قومی کرکٹ ٹیم کے کھلاڑیوں سے ملاقات کی اور آسٹریلیا کے خلاف ٹی 20 سیریز جیتنے پر انہیں دل کی گہرائیوں سے مبارکباد دی۔

اس موقع پر چیئرمین پی سی بی نے کھلاڑیوں کی شاندار کارکردگی کو سراہتے ہوئے کہا کہ قومی ٹیم نے اپنی محنت، ٹیم ورک اور پروفیشنل ازم کے ذریعے پاکستان کا نام روشن کیا ہے۔ انہوں نے کہا کہ محنت، باہمی تعاون اور پیشہ ورانہ رویہ ہمیشہ کامیابی کی ضمانت بنتا ہے۔

محسن نقوی نے ٹیم مینجمنٹ کو بھی خراج تحسین پیش کیا اور مینجر نوید اکرم چیمہ، ہیڈ کوچ مائیک ہیسن، کپتان سلمان آغا اور دیگر کھلاڑیوں کو شاندار کامیابی پر مبارکباد دی۔

چیئرمین پی سی بی کا کہنا تھا کہ قومی ٹیم کی قابلِ تحسین کارکردگی کو شائقینِ کرکٹ نے بھی بھرپور انداز میں سراہا ہے، جو ٹیم کے حوصلے بلند کرنے کا باعث ہے۔

آخر میں محسن نقوی نے آسٹریلیا کے خلاف آخری ٹی 20 میچ کے لیے بھی قومی ٹیم کے لیے نیک تمناؤں کا اظہار کرتے ہوئے کہا کہ انہیں امید ہے کہ ٹیم اسی جذبے کے ساتھ میدان میں اترے گی اور بہترین کھیل پیش کرے گی۔