پاکستان کرکٹ بورڈ کا اجلاس ، پی ایس ایل، ڈومیسٹک کرکٹ اور بین الاقوامی تعاون سے متعلق اہم فیصلے
Web Desk
5 April 2026
لاہور: چیئرمین پاکستان کرکٹ بورڈ محسن نقوی کی زیر صدارت بورڈ آف گورنرز کا 82واں اجلاس منعقد ہوا، جس میں اہم مالیاتی اور انتظامی فیصلوں کی منظوری دی گئی۔
اجلاس کے دوران مالی سال 2024-25 کے سالانہ آڈٹ شدہ مالیاتی گوشواروں کی باضابطہ منظوری دی گئی۔ اس کے علاوہ عالمی انسداد بدعنوانی ضابطہ کے مطابق بورڈ کے طریقہ کار کے قواعد کی بھی منظوری دی گئی۔
اجلاس میں سعودی عرب میں کرکٹ کے فروغ کے لیے جدہ میں اسٹیڈیم کی تعمیر کے سلسلے میں تعاون پر دلچسپی کے اظہار کی بھی منظوری دی گئی۔ مزید برآں جغرافیائی بنیادوں پر لاہور کے کرکٹ زونز کی ازسرنو حد بندی اور ان کے ناموں پر نظرثانی کی منظوری دی گئی۔
بورڈ نے ڈومیسٹک کرکٹ کے فروغ میں نمایاں خدمات انجام دینے پر عبداللہ خرم نیازی کو خراج تحسین پیش کیا۔ اس موقع پر چیئرمین پی سی بی نے کہا کہ گزشتہ دو برس کے دوران انہوں نے دن رات محنت سے ڈومیسٹک کرکٹ کو مضبوط بنانے میں اہم کردار ادا کیا۔
اجلاس میں پاکستان سپر لیگ کے گیارہویں ایڈیشن کے لیے ٹیموں کی ریکارڈ نیلامی پر بھی اطمینان اور تشکر کا اظہار کیا گیا۔ چیئرمین کا کہنا تھا کہ پی ایس ایل سرمایہ کاری کے لیے ایک بہترین مارکیٹ بن چکی ہے اور جلد ہی یہ دنیا کی صف اول کی لیگ بن جائے گی۔
اجلاس میں بورڈ اراکین انوار احمد غنی، طارق سرور، عدنان ملک، سجاد کھوکھر، ظفر اللہ اور اسماعیل قریشی شریک ہوئے جبکہ ظہیر عباس اور سیکرٹری کابینہ نے آن لائن شرکت کی۔ اس کے علاوہ پی ایس ایل اور پی سی بی کے اعلیٰ حکام بھی اجلاس میں موجود تھے۔
متعلقہ عنوانات
صومالیہ کا اماراتی سفیر کو 72 گھنٹوں میں ملک چھوڑنے کا حکم، اپنا سفیر بھی واپس بلا لیا
19 November 2026
بابا گرو نانک کے جنم دن کی تقریبات، ننکانہ صاحب میں تعلیمی ادارے بند رکھنے کا اعلان
19 November 2026
حکومت کیساتھ مذاکرات مکمل، پٹرولیم لیوی میں کمی کیلئے پیکیج تیار: لیاقت بلوچ
19 November 2026
سابق وفاقی وزیر چوہدری لیاقت عباس گھر میں مردہ حالت میں پائے گئے، موت مشکوک قرار
19 November 2026
قطر پاکستان میں جدید فائرنگ رینج تعمیر کرے گا، پولیس افسران کے تبادلے کا پروگرام بڑھانے پر اتفاق
19 November 2026
شہباز شریف کی آسیان سیکرٹری جنرل سے ملاقات، اقتصادی تعاون پر تبادلہ خیال
19 November 2026
پاکستان اور آسیان کے درمیان تجارت، سرمایہ کاری میں تعاون بڑھانے پر اتفاق
19 November 2026
پنجاب میں مریضوں کو 39 ارب 50 کروڑ روپے سے زائد کا مفت علاج فراہم
19 November 2026