LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

پاکستانی معیشت مضبوط، توانائی کے شعبے میں اہم اصلاحات کی جا چکی ہیں،اویس لغاری

Web Desk

27 November 2025

وفاقی وزیر توانائی سردار اویس احمد خان لغاری نے پاکستان بزنس کونسل کے سیمینار سے خطاب کرتے ہوئے کہا کہ پاکستان کی معیشت مضبوط ہو رہی ہے اور توانائی کے شعبے میں اہم اصلاحات کی جا چکی ہیں۔ انہوں نے کہا کہ ماضی میں آئی پی پیز کے ساتھ ہونے والے معاہدے شفاف نہیں تھے، تاہم موجودہ حکومت نے پہلی بار منظم منصوبہ بندی کے ساتھ اصلاحات کا آغاز کیا ہے۔

اویس لغاری نے بتایا کہ پاکستان میں صاف اور گرین انرجی کے فروغ کے لیے مختلف اقدامات کیے جا رہے ہیں اور ملک میں 19 ہزار میگاواٹ سولر انرجی پیدا کی جا رہی ہے۔ ان کے مطابق پاکستان دنیا میں سولر کے شعبے میں تیزی سے ترقی کرنے والا ملک بن چکا ہے۔ انہوں نے کہا کہ قابلِ تجدید توانائی کا حصہ 55 فیصد تک پہنچ چکا ہے، جو ایک بڑا سنگِ میل ہے۔

وزیر توانائی نے کہا کہ گردشی قرضوں کے مسئلے کو حل کرنے کی پوری کوشش کی جا رہی ہے اور اس میں نمایاں کمی بھی لائی گئی ہے۔ وزارت توانائی نے 28 اہم اصلاحات کی نشاندہی کی ہے جبکہ مقابلہ جاتی توانائی مارکیٹ آئندہ چند ماہ میں شروع ہونے جارہی ہے۔ انہوں نے بتایا کہ پاور سیکٹر کی سیاست سے علیحدگی حکومت کی بڑی اصلاح ہے۔

اویس لغاری نے ڈسٹریبیوشن کمپنیوں کی کارکردگی بہتر بنانے، نیٹ میٹرنگ کے نظام میں بہتری، اور نیٹ میٹرنگ قوانین میں ترمیم پر بھی زور دیا۔ انہوں نے کہا کہ ڈسکوز کی نجکاری اور مارکیٹ میں براہِ راست لین دین کا منصوبہ اصلاحات کا حصہ ہے، اور مستقبل میں حکومت بجلی کی براہِ راست خریدار نہیں ہوگی۔

وزیر توانائی نے اعتراف کیا کہ پاور سیکٹر عالمی معیار کے مطابق تکنیکی طور پر مضبوط نہیں، جبکہ ایندھن کی قیمتوں اور روپے کی قدر میں کمی نے اس شعبے پر دباؤ بڑھایا۔ تاہم گورننس، شفافیت اور مالی استحکام کے لیے نئے اقدامات جاری ہیں اور ان اصلاحات کے نتائج جلد سامنے آئیں گے۔

انہوں نے کہا کہ انڈسٹری کو بجلی کے نرخوں میں سبسڈی دی جا رہی ہے اور نجی شعبے کو سہولت فراہم کرنے کے لیے ہر ممکن اقدامات کیے جا رہے ہیں۔ انہوں نے اس عزم کا اظہار کیا کہ غیر مؤثر بجلی گھروں کی قبل از وقت بندش، آئی پی پیز کے ساتھ معاہدوں پر نظرثانی اور ریگولیٹری عمل کا مؤثر جائزہ جاری رہے گا تاکہ پاور سیکٹر کو مکمل طور پر استحکام دیا جاسکے