پاکستان کا آسٹریلیا کے خلاف ٹی 20 سیریز کے لیےسکواڈ کا اعلان

لاہور: پاکستان کرکٹ بورڈ (پی سی بی) نے آسٹریلیا کے خلاف ٹی ٹوئنٹی سیریز کے لیے قومی اسکواڈ کا اعلان کر دیا ہے، جس میں سلمان علی آغا کو ٹیم کا کپتان مقرر کیا گیا ہے۔

اسکواڈ میں بابر اعظم اور شاہین شاہ آفریدی کی ٹی ٹوئنٹی انٹرنیشنل ٹیم میں واپسی ہوئی ہے، جو شائقین کرکٹ کے لیے بڑی خبر ہے۔

پاکستانی اسکواڈ میں فخر زمان، صائم ایوب، بابر اعظم، شاداب خان، شاہین شاہ آفریدی، نسیم شاہ، فہیم اشرف اور محمد وسیم جونیئر شامل ہیں۔
اس کے علاوہ محمد سلمان مرزا، ابرار احمد، محمد نواز، عثمان طارق، خواجہ محمد نافع، صاحبزادہ فرحان اور عثمان خان کو بھی اسکواڈ کا حصہ بنایا گیا ہے۔

پاکستان اور آسٹریلیا کے درمیان ٹی ٹوئنٹی سیریز کے میچز قذافی اسٹیڈیم لاہور میں 29، 31 جنوری اور یکم فروری کو کھیلے جائیں گے، جبکہ آسٹریلوی ٹیم 28 جنوری کو پاکستان پہنچے گی۔

یہ سیریز دونوں ٹیموں کے لیے اہم تصور کی جا رہی ہے، جہاں قومی ٹیم ہوم گراؤنڈ پر مضبوط کارکردگی دکھانے کے لیے پُرعزم ہے۔