پاکستان نے آسٹریلیا کے خلاف دوسرے ٹی 20 میچ میں جیت کیلئے 199رنز کا ہدف دے دیا
قذافی سٹیڈیم لاہور میں کھیلے جارہے میچ میں پاکستان نے پہلے اوور سے ہی شاندار کھیل کا مظاہرہ کیا،دوسرے ہی اوور میں صاحبزادہ فرحان کی وکٹ گرنے کے باجود کپتان سلمان علی آغا اور صائم ایوب نے آسٹریلوی بولرز کو دُھول چٹائی۔
صائم ایوب چھٹے اوور میں 11 گیندوں پر 23 رنز بنا کر آؤٹ ہوئے،پاکستان نے پاور پلے میں 3 چھکوں اور 10 چوکوں کی مدد سے 2 وکٹوں کے نقصان پر 72 رنز بنائے۔
بعد ازاں بابر اعظم 2 رنز بناکر ایڈم زیمپا کا شکار بن گئے تاہم کپتان سلمان علی آغا نے بہترین کھیل جاری رکھا اور 25 گیندوں پر نصف سنچری سکور کی۔
یہ محمد حفیظ کی 23 گیندوں پر نصف سنچری کے بعد کسی بھی پاکستانی کپتان کی جانب سے ٹی ٹوئنٹی انٹرنیشنل میچز میں دوسری تیز ترین نصف سنچری ہے، یوں قومی ٹیم نے مقررہ 20اوورز میں 5 کھلاڑیوں کے نقصان پر120رنز بنائےاور حریف ٹیم کو جیت کیلئے 198رنز کا ہدف دیا۔
