وفاقی وزیر تجارت جام کمال خان نے پاکستان-ازبکستان بزنس فورم میں میڈ اِن ازبکستان نمائش کا افتتاح کر دیا

اسلام آباد: وفاقی وزیرِ تجارت جام کمال خان نے پاکستان-ازبکستان بزنس فورم کے موقع پر میڈ اِن ازبکستان نمائش کا افتتاح کر دیا۔

جام کمال خان نے کہا کہ یہ نمائش باہمی تجارتی و صنعتی تعاون کو فروغ دینے میں اہم کردار ادا کرے گی۔ انہوں نے نمائش میں لگائے گئے مختلف اسٹالز کا دورہ کیا اور ازبک مصنوعات کے معیار اور برآمدی صلاحیت کو سراہا۔اس موقع پر وفاقی وزیرِ مواصلات عبدالعلیم خان نے علاقائی رابطہ کاری اور انفراسٹرکچر تعاون کے فروغ پر زور دیا، جبکہ وفاقی وزیرِ قومی غذائی تحفظ رانا تنویر حسین نے زراعت اور فوڈ پروسیسنگ کے شعبے میں تعاون کے وسیع امکانات اجاگر کیے۔معاونِ خصوصی برائے صنعت و پیداوار ہارون اختر خان نے صنعتی شراکت داری اور سرمایہ کاری کے مواقع کو اہم قرار دیا اور اس بات پر زور دیا کہ دونوں ممالک کے کاروباری روابط مضبوط ہوں۔