پاکستان اور ازبکستان کا تجارت، سرمایہ کاری اور رابطہ کاری تیز کرنے پر اتفاق
Web Desk
3 February 2026
پاکستان اور ازبکستان نے دوطرفہ تجارت، سرمایہ کاری اور رابطہ کاری کو تیز کرنے پر اتفاق کیا ہے۔ یہ اتفاق وفاقی وزیرِ تجارت جام کمال خان اور ازبک وزیرِ سرمایہ کاری، صنعت و تجارت لذیز قدرتوف کے درمیان اہم ملاقات کے دوران سامنے آیا، جس میں پاکستان–ازبکستان اقتصادی تعاون کو عملی شکل دینے پر زور دیا گیا۔
ملاقات کے دوران بتایا گیا کہ گزشتہ سال پاکستان اور ازبکستان کے درمیان دوطرفہ تجارت میں 10 فیصد اضافہ ہوا، ازبکستان کی پاکستان سے درآمدات میں 12 فیصد جبکہ برآمدات میں 8 فیصد اضافہ ریکارڈ کیا گیا۔ دونوں ممالک نے مستقبل میں دوطرفہ تجارت کا ہدف 2 ارب ڈالر مقرر کرنے پر اتفاق کیا۔
فریقین نے ترجیحی تجارتی فریم ورک کے تحت مصنوعات کی فہرست 34 سے بڑھا کر 92 کرنے میں پیش رفت پر اطمینان کا اظہار کیا۔ اس موقع پر بتایا گیا کہ ازبکستان میں اس وقت 228 پاکستانی کمپنیاں فعال ہیں، جبکہ گزشتہ سال 80 نئی پاکستانی کمپنیاں رجسٹرڈ ہوئیں۔
پاکستان اور ازبکستان کے درمیان براہِ راست فضائی رابطوں میں بھی نمایاں اضافہ ہوا ہے۔ اسلام آباد اور لاہور سے ہفتہ وار پروازیں جاری ہیں جبکہ کراچی سے براہِ راست پروازیں شروع کرنے کے منصوبے پر بھی غور کیا گیا۔
ملاقات میں متبادل تجارتی راستوں، شمالی کوریڈور کے استعمال اور پاکستان، چین اور وسطی ایشیا کے مابین ’’گرین کوریڈور‘‘ کے قیام کی تجویز پر بھی مشاورت کی گئی۔ دونوں ممالک نے کان کنی، معدنیات، خوراک اور زراعت کے شعبوں میں مشترکہ منصوبے شروع کرنے پر اتفاق کیا۔
فریقین نے قریبی فالو اپ، بزنس ٹو بزنس (B2B) روابط مضبوط بنانے اور نجی شعبے کے تعاون کو فروغ دینے کے عزم کا اعادہ کیا۔
متعلقہ عنوانات
مکہ معاہدے کے تحت سعودی عرب کا دفاع ترجیح ہے، حاقان فیدان
22 November 2026
مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا
22 November 2026
خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور
22 November 2026
پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا
22 November 2026
پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا
22 November 2026
مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن
22 November 2026
12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی
22 November 2026
ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی
22 November 2026