پاکستان اور امریکا کے درمیان تجارتی، سرمایہ کاری اور کاروباری تعاون کو مزید فروغ دینے پر اتفاق
Web Desk
16 July 2026
پاکستان اور امریکہ کے درمیان تجارتی، سرمایہ کاری اور کاروباری تعلقات کو مزید مستحکم کرنے اور فروغ دینے پر اتفاق کیا گیا ہے۔ لاہور میں منعقدہ ایک خصوصی تقریب سے خطاب کرتے ہوئے کاروباری رہنماؤں اور امریکی قونصل جنرل نے اس عزم کا اظہار کیا کہ دونوں ممالک کے اقتصادی تعلقات نئی بلندیوں کی جانب گامزن ہیں، اور آئی ٹی، مصنوعی ذہانت (AI)، زراعت، صحت، لاجسٹکس اور تعلیم جیسے اہم شعبوں میں شراکت داری کے بے شمار مواقع موجود ہیں۔ وفاقِ ایوان ہائے صنعت و تجارت پاکستان (FPCCI) کے صدر عاطف اکرام شیخ نے تقریب سے خطاب میں اس بات پر زور دیا کہ پاکستانی برآمد کنندگان کو امریکی مارکیٹ تک رسائی کے لیے عالمی معیار پر پورا اترنا ہوگا، جبکہ ڈیجیٹل انفراسٹرکچر اور مصنوعی ذہانت کی ترقی کے لیے نجی شعبہ بھرپور تعاون کر رہا ہے۔ چیئرمین ایف پی سی سی آئی ذکی اعجاز نے دوطرفہ کاروباری روابط، آئی ٹی اور چھوٹے و درمیانے درجے کے کاروباری اداروں (SMEs) کے شعبے میں تعاون بڑھانے پر زور دیا۔ اس موقع پر امریکی قونصل جنرل سٹیٹسن سینڈرز نے انکشاف کیا کہ گزشتہ برس دونوں ممالک کے درمیان 8.7 ارب ڈالر کی دوطرفہ تجارت ہوئی، اور مستقبل میں بھی کمرشل تعاون، سرمایہ کاری اور روزگار کے مواقع بڑھانے کے اقدامات جاری رہیں گے۔ تقریب سے یو بی جی کے سرپرستِ اعلیٰ ایس ایم تنویر نے بھی خطاب کیا اور واضح کیا کہ فرنیچر، لیدر، کٹلری اور انجینئرنگ کے شعبوں میں پاکستانی برآمدات بڑھانے کے لیے جدید ٹیکنالوجی کا حصول اور امریکی تکنیکی معاونت ناگزیر ہے۔
متعلقہ عنوانات
حکومت کا پیٹرول اور ڈیزل کی قیمتوں میں 2 روپے فی لیٹر کمی کا اعلان، نئی قیمتوں کا اطلاق 17 نومبر کو ایک روز کے لیے ہوگا
16 November 2026
امیرِ تبلیغی جماعت مولانا نذر الرحمن کی نمازِ جنازہ لاہور میں ادا کر دی گئی، اندرون و بیرونِ ممالک سے لاکھوں افراد کی شرکت
16 November 2026
اڈیالہ جیل میں خاتون قیدی کے سیل سے 7 چھوٹے سانپ نکلنے کی خبر بے بنیاد اور من گھڑت قرار: سپرنٹنڈنٹ اڈیالہ جیل
16 November 2026
امریکا اب دنیا کا عظیم ترین ملک ہے، دو سال پہلے ایسا نہیں تھا، ٹرمپ
16 November 2026
پاکستانی گیمر عاطف بٹ نے تھائی لینڈ میں ٹیکن 8 چیمپئن شپ جیت لی
16 November 2026
10 ویں پاکستان صنعتی نمائش اختتام پذیر، 150 ملکی و غیر ملکی کمپنیوں کی شرکت
16 November 2026
اگر بانی کو کچھ ہوا تو حکمران اور انہیں قید رکھنے والے تمام افراد ذمہ دار ہوں گے: علامہ ناصر عباس
16 November 2026
اسحاق ڈار اور ایرانی وزیر خارجہ کی ملاقات، دوطرفہ تعاون مزید مضبوط بنانے پر اتفاق
16 November 2026