پاکستان کا ٹی ٹوئنٹی ورلڈ کپ میں شرکت کا فیصلہ آج متوقع، وزیراعظم سے مشاورت ہوگی

پاکستان کرکٹ ٹیم کی ٹی ٹوئنٹی ورلڈ کپ میں شرکت یا عدم شرکت سے متعلق فیصلہ آج ہونے کا امکان ہے، اس سلسلے میں ایک اہم اجلاس منعقد کیا جائے گا۔
ذرائع کے مطابق چیئرمین پاکستان کرکٹ بورڈ محسن نقوی وزیراعظم شہباز شریف سے ملاقات میں ورلڈ کپ میں شرکت کے لیے اجازت طلب کریں گے۔ ملاقات میں بنگلہ دیش کے خلاف نامناسب رویے اور بھارت کے خلاف میچ نہ کھیلنے کے آپشن پر بھی غور کیا جائے گا۔
لاہور میں چیئرمین پی سی بی نے قومی ٹیم کے کھلاڑیوں سے ملاقات کی اور انہیں بورڈ کے مؤقف سے آگاہ کیا، جس پر کھلاڑیوں نے پاکستان کے اصولی مؤقف کی مکمل حمایت کی۔
محسن نقوی کا کہنا تھا کہ بنگلہ دیش کرکٹ بورڈ کا بھارت میں ورلڈ کپ نہ کھیلنے کا مؤقف اصولوں پر مبنی ہے اور پی سی بی آئی سی سی کے دوہرے معیار کو مسترد کرتا ہے۔