پاکستان سٹاک مارکیٹ میں شدید مندی، ہنڈرڈ انڈیکس 3 حدیں کھو بیٹھا

پاکستان اسٹاک مارکیٹ میں کاروباری ہفتے کے آخری روز شدید مندی دیکھنے میں آئی جس کے باعث کے ایس ای 100 انڈیکس 3 ہزار سے زائد پوائنٹس کھو بیٹھا۔

کاروبار کے آغاز پر مارکیٹ میں مثبت رجحان دیکھا گیا اور 200 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 88 ہزار 36 پوائنٹس کی سطح تک پہنچ گیا تھا۔

تاہم ٹریڈنگ کے دوران اچانک فروخت کا دباؤ بڑھ گیا جس کے نتیجے میں مارکیٹ شدید مندی کا شکار ہو گئی۔ 3 ہزار سے زائد پوائنٹس کی کمی کے بعد 100 انڈیکس گر کر ایک لاکھ 84 ہزار 548 پوائنٹس کی سطح پر آ گیا۔

یاد رہے کہ گزشتہ کاروباری روز کے اختتام پر ہنڈرڈ انڈیکس ایک لاکھ 87 ہزار 832 پوائنٹس پر بند ہوا تھا۔

دوسری جانب انٹربینک مارکیٹ میں امریکی ڈالر کی قدر مستحکم رہی اور ڈالر 279 روپے 75 پیسے پر برقرار ہے۔

ماہرین کے مطابق سرمایہ کاروں کی جانب سے منافع کے حصول اور غیر یقینی معاشی صورتحال کے باعث مارکیٹ میں اتار چڑھاؤ دیکھا جا رہا ہے۔