پاکستان سٹاک مارکیٹ میں ایک لاکھ 89 ہزار پوائنٹس کی حد بحال

پاکستان سٹاک مارکیٹ میں کاروباری ہفتے کے دوسرے روز بھی تیزی کا رجحان دیکھنے میں آیا۔ کاروبار کے آغاز پر 800 سے زائد پوائنٹس کے اضافے کے ساتھ ہنڈرڈ انڈیکس بڑھ کر 1 لاکھ 89 ہزار 434 پوائنٹس کی سطح پر پہنچ گیا۔

واضح رہے کہ گزشتہ روز ٹریڈنگ کے دوران ہنڈرڈ انڈیکس 1800 سے زائد پوائنٹس اضافے کے بعد 1 لاکھ 91 ہزار 32 پوائنٹس کی بلند ترین سطح تک جا پہنچا تھا۔ تاہم بعد ازاں مارکیٹ میں اچانک مندی چھا گئی جو کاروباری دن کے اختتام تک برقرار رہی، جس کے باعث ہنڈرڈ انڈیکس 579 پوائنٹس کی کمی کے ساتھ 1 لاکھ 88 ہزار 587 پوائنٹس پر بند ہوا تھا۔