نیا دن نیا ریکارڈ! سٹاک مارکیٹ ایک لاکھ 89 ہزار پوائنٹس کی حد عبور کر گئی

پاکستان سٹاک مارکیٹ میں زبردست تیزی کا رجحان برقرار ہے، جہاں ہنڈرڈ انڈیکس نے ایک نئی تاریخ رقم کرتے ہوئے ایک لاکھ 89 ہزار پوائنٹس کی سطح عبور کر لی۔ کاروباری ہفتے کے تیسرے روز کاروبار کے آغاز پر ہی سرمایہ کاروں کا اعتماد بحال نظر آیا اور مارکیٹ میں بھرپور خریداری دیکھی گئی۔

700 سے زائد پوائنٹس کے اضافے کے ساتھ پاکستان سٹاک ایکسچینج میں ہنڈرڈ انڈیکس بڑھ کر ایک لاکھ 89 ہزار 427 پوائنٹس کی سطح پر پہنچ گیا، جو ملکی تاریخ کی بلند ترین سطح ہے۔

ماہرین کے مطابق مثبت معاشی اشاریے، سرمایہ کاروں کا اعتماد اور حکومتی معاشی پالیسیوں کے باعث مارکیٹ میں تیزی دیکھی جا رہی ہے۔

واضح رہے کہ گزشتہ کاروباری دن کے اختتام پر ہنڈرڈ انڈیکس ایک لاکھ 88 ہزار 621 پوائنٹس پر بند ہوا تھا۔