سٹاک مارکیٹ میں نیا ریکارڈ! ایک لاکھ 88 ہزار پوائنٹس کی تاریخی حد عبور

پاکستان سٹاک مارکیٹ نے ایک اور تاریخی سنگِ میل عبور کر لیا، جہاں ہنڈرڈ انڈیکس ایک لاکھ 88 ہزار پوائنٹس کی حد بھی پار کر گیا۔ کاروباری ہفتے کے دوسرے روز کاروبار کے آغاز پر مارکیٹ میں زبردست تیزی دیکھنے میں آئی۔

900 سے زائد پوائنٹس کے اضافے کے ساتھ ہنڈرڈ انڈیکس ایک لاکھ 88 ہزار 709 پوائنٹس کی بلند ترین سطح پر پہنچ گیا۔ سرمایہ کاروں کے اعتماد میں اضافے کے باعث مارکیٹ میں مثبت رجحان برقرار ہے۔

واضح رہے کہ گزشتہ کاروباری دن کے اختتام پر پاکستان سٹاک ایکسچینج میں ہنڈرڈ انڈیکس 2662 سے زائد پوائنٹس کے اضافے کے ساتھ ایک لاکھ 87 ہزار 761 پوائنٹس پر بند ہوا تھا۔

دوسری جانب انٹر بینک میں امریکی ڈالر کی قدر میں استحکام دیکھا گیا، جہاں ڈالر 279.92 روپے پر برقرار رہا۔