پاکستان سٹاک ایکسچینج میں شدید مندی، 2500 سے زائد پوائنٹس کی کمی

کراچی: پاکستان اسٹاک مارکیٹ میں کاروباری ہفتے کے آخری روز بھی مندی کا سلسلہ برقرار رہا اور کاروبار کے آغاز پر ہی مارکیٹ شدید دباؤ کا شکار ہوگئی۔

کاروبار کے دوران ہنڈرڈ انڈیکس میں 2500 سے زائد پوائنٹس کی کمی ریکارڈ کی گئی، جس کے بعد انڈیکس ایک لاکھ 66 ہزار 141 پوائنٹس کی سطح پر آگیا۔

واضح رہے کہ گزشتہ کاروباری روز بھی پاکستان اسٹاک ایکسچینج میں شدید مندی دیکھی گئی تھی اور کاروبار کے اختتام پر ہنڈرڈ انڈیکس 3078 پوائنٹس کی کمی کے بعد ایک لاکھ 68 ہزار 865 پوائنٹس کی سطح پر بند ہوا تھا۔

مسلسل دو کاروباری دنوں میں مندی کے باعث سرمایہ کاروں میں تشویش پائی جا رہی ہے۔