کاروباری ہفتے کے پہلے روز پاکستان سٹاک مارکیٹ میں زبردست تیزی

کاروباری ہفتے کے پہلے روز پاکستان سٹاک ایکسچینج میں زبردست تیزی ریکارڈ کی گئی، جہاں ہنڈرڈ انڈیکس 3500 سے زائد پوائنٹس کے اضافے کے ساتھ 1 لاکھ 66 ہزار 826 کی سطح پر پہنچ گیا ہے۔ گزشتہ کاروباری ہفتے کے اختتام پر انڈیکس 1 لاکھ 62 ہزار 994 پوائنٹس پر بند ہوا تھا۔ مارکیٹ میں اس تیزی کی بڑی وجہ امریکا کی جانب سے آبنائے ہرمز کی ناکہ بندی ختم کرنے کا فیصلہ ہے، جس کے مثبت اثرات نہ صرف پاکستان بلکہ ایشیا کی دیگر سٹاک مارکیٹس پر بھی مرتب ہو رہے ہیں۔