LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

پاکستان کے اسپنرز نے ٹی 20 تاریخ میں نیا ریکارڈ بنا دیا

Web Desk

31 January 2026

پاکستانی اسپنرز نے ٹی 20 کرکٹ کی تاریخ میں ایک نیا سنگِ میل عبور کرتے ہوئے ایک ہی میچ میں آسٹریلیا کی تمام 10 وکٹیں حاصل کر لیں۔ پاکستان اور آسٹریلیا کے درمیان تین میچوں کی سیریز کا دوسرا ٹی 20 میچ لاہور میں کھیلا گیا، جہاں پاکستان نے 90 رنز کے واضح فرق سے کامیابی حاصل کرتے ہوئے سیریز میں 0-2 کی فیصلہ کن برتری حاصل کر لی۔

لاہور میں کھیلے گئے اس میچ میں آسٹریلوی ٹیم کی پوری اننگز کے دوران تمام وکٹیں پاکستانی اسپنرز کے حصے میں آئیں۔ یہ پہلا موقع ہے کہ پاکستان کی ٹیم میں کسی ایک ٹی 20 اننگز کے دوران تمام وکٹیں اسپنرز نے حاصل کیں۔

میچ میں ابرار احمد اور شاداب خان نے شاندار بولنگ کا مظاہرہ کرتے ہوئے 3، 3 وکٹیں حاصل کیں، جبکہ عثمان طارق نے 2 کھلاڑیوں کو آؤٹ کیا۔ صائم ایوب اور محمد نواز نے ایک ایک وکٹ حاصل کی۔

ٹی 20 کرکٹ کی مجموعی تاریخ میں یہ دسواں موقع ہے جب کسی ایک اننگز کی تمام وکٹیں اسپنرز نے حاصل کیں، جبکہ فل ممبر ٹیموں کے درمیان یہ صرف دوسرا واقعہ ہے۔ اس سے قبل 2022 میں بھارت نے فلوریڈا میں ویسٹ انڈیز کے خلاف یہ اعزاز حاصل کیا تھا۔

واضح رہے کہ دوسرے ٹی 20 میچ میں پاکستان نے مقررہ 20 اوورز میں 5 وکٹوں کے نقصان پر 198 رنز بنائے تھے، جبکہ آسٹریلیا کی ٹیم 16 اوورز میں 108 رنز بنا کر آؤٹ ہو گئی۔

اس کامیابی کے ساتھ پاکستان نے سات سال بعد آسٹریلیا کو ٹی 20 سیریز میں شکست دی ہے، جسے قومی ٹیم کی کارکردگی میں ایک اہم اور تاریخی پیش رفت قرار دیا جا رہا ہے۔