پاکستان اور صومالیہ کے درمیان سفارتی پاسپورٹ ہولڈرز کیلئے ویزا فری معاہدہ

پاکستان اور صومالیہ نے سفارتی پاسپورٹ رکھنے والوں کے لیے ویزا فری معاہدے پر دستخط کر دیے ہیں۔ یہ اقدام دونوں ممالک کے درمیان سفارتی تعلقات کو مضبوط بنانے اور باہمی تعاون کو فروغ دینے کے لیے کیا گیا ہے۔

معاہدے پر صومالیہ کی وزارتِ خارجہ کے سیکرٹری اور پاکستان کی وزارتِ داخلہ کے سیکرٹری نے دستخط کیے۔ اس موقع پر صومالیہ کے وزیرِ داخلہ علی یوسف نے صدر مملکت آصف علی زرداری سے ملاقات کی، جس میں دوطرفہ تعلقات کو مزید مستحکم کرنے کا عزم ظاہر کیا گیا۔

صدر مملکت آصف علی زرداری نے کہا کہ افریقہ عالمی جیوپولیٹیکل منظرنامے میں اہمیت رکھتا ہے اور پاکستان افریقی ممالک کے ساتھ تعلقات کو مزید مضبوط بنانا چاہتا ہے۔ انہوں نے سرحد پار جرائم اور منشیات کی اسمگلنگ کے خلاف مشترکہ کوششوں پر بھی زور دیا۔