پاکستان کی جانب سے سری لنکا کے سیلاب متاثرین کے لیے ریلیف آپریشن کا آغاز

این ڈی ایم اے نے پاکستان کی جانب سے سری لنکا کے سیلاب متاثرین کے لیے ریلیف آپریشن کا آغاز کر دیا ہے۔ وزیراعظم پاکستان کی ہدایت پر این ڈی ایم اے نے پہلی امدادی کھیپ اور پاکستان آرمی کی سرچ اینڈ ریسکیو ٹیم بھیجنے کے انتظامات مکمل کر لیے ہیں۔ این ڈی ایم اے کی پہلی امدادی کھیپ میں سری لنکا کے لیے 100 ٹن امدادی سامان شامل ہوگا، جبکہ پاکستان آرمی کے تعاون سے کل 45 رکنی آرمی کی اربن سرچ اینڈ ریسکیو ٹیم روانہ کی جائے گی۔ سامان اور ریسکیو ٹیم کل نور خان ایئر بیس سے سی 130 طیارے کے ذریعے روانہ کیے جائیں گے۔ چیئرمین این ڈی ایم اے لیفٹنینٹ جنرل انعام حیدر امدادی سامان کی روانگی کی نگرانی کریں گے۔ امدادی سامان میں ریسکیو کشتیاں، پمپس، لائف جیکٹس، ٹینٹ، کمبل، دودھ، خوراک اور ادویات شامل ہیں۔ این ڈی ایم اے سری لنکا کے سیلاب متاثرین کے لیے فلیڈ ہسپتال بھی بھیجے گا۔ پاکستان اپنی ہمدردی کے اظہار کے طور پر سری لنکا کے متاثرین کی مدد کے لیے امدادی سامان کی ترسیل جاری رکھے گا۔