اقتصادی سروے میں غربت بڑھنے کا انکشاف، بلوچستان سب سے متاثرہ صوبہ
Web Desk
11 June 2026
اسلام آباد: قومی اقتصادی سروے 2025-26 میں انکشاف ہوا ہے کہ ملک میں غربت کی شرح میں اضافہ ریکارڈ کیا گیا ہے جبکہ دیہی علاقوں کے عوام سب سے زیادہ متاثر رہے۔
سروے کے مطابق پاکستان میں غربت کی مجموعی شرح بڑھ کر 28.9 فیصد ہو گئی ہے۔ دیہی علاقوں میں غربت کی شرح 36.2 فیصد جبکہ شہری علاقوں میں 17.4 فیصد ریکارڈ کی گئی۔
اعداد و شمار کے مطابق بلوچستان ملک کا سب سے زیادہ متاثرہ صوبہ رہا جہاں غربت کی شرح 47 فیصد تک پہنچ گئی۔ ماہرین کے مطابق یہ صورتحال روزگار، تعلیم اور بنیادی سہولتوں کی فراہمی کے حوالے سے بڑے چیلنجز کی نشاندہی کرتی ہے۔
اقتصادی سروے میں اگرچہ معیشت کے بعض شعبوں میں بہتری کی نشاندہی کی گئی ہے، تاہم زرعی شعبہ حکومتی توقعات پوری نہ کر سکا۔ حکومت نے 4.5 فیصد ترقی کا ہدف مقرر کیا تھا لیکن زرعی شعبہ صرف 2.89 فیصد ترقی حاصل کر سکا۔
رپورٹ کے مطابق مہنگائی کی اوسط شرح 6.7 فیصد رہی جبکہ ملکی معیشت کا حجم 452 ارب ڈالر سے تجاوز کر گیا۔ فی کس آمدنی ایک ہزار 901 ڈالر تک پہنچ گئی ہے۔
اقتصادی سروے میں بعض دلچسپ اعداد و شمار بھی سامنے آئے ہیں۔ ملک میں گدھوں کی تعداد ایک سال کے دوران 60 لاکھ سے بڑھ کر 62 لاکھ ہو گئی جبکہ 39 ہزار سے زائد نئی کمپنیاں رجسٹرڈ کی گئیں۔ اسی طرح پاکستان اسٹاک مارکیٹ میں سرمایہ کاروں کی تعداد پانچ لاکھ 63 ہزار سے تجاوز کر گئی۔
متعلقہ عنوانات
ایشیا پیسیفک کی ترقی کیلئے آزاد تجارت اور معاشی انضمام ضروری ہے: چینی صدر
19 November 2026
چترال: پاک فوج اور فرنٹیئر کور کے زیر اہتمام فری میڈیکل کیمپ کا انعقاد
19 November 2026
پاکستان آسیان کےساتھ تجارت سمیت مختلف شعبوں میں تعاون کا خواہاں ہے: اسحاق ڈار
19 November 2026
نظام کی اصلاح اور قومی فیصلوں کا اختیار عوام کا ہے: طارق فضل چوہدری
19 November 2026
سندھ کے شہری علاقوں کے عوام غلام نہیں: خالد مقبول صدیقی
19 November 2026
حسینہ واجد کی واپسی کے اعلان پر بنگلہ دیش میں ہنگامے، نیم فوجی اہلکار تعینات
19 November 2026
راولاکوٹ: مسلح حملے میں شہید ڈپٹی سپرنٹنڈنٹ رینجرز کی نمازِ جنازہ ادا
19 November 2026
معاون خصوصی وزیر اعلیٰ ثانیہ عاشق کا آٹزم سکول گوجرانوالہ کا دورہ
19 November 2026