غیر ملکی فوج ایرانی ساحل پر اتری تو علاقہ ان کیلئے جہنم بنا دیں گے: ایرانی بحریہ

ایرانی بحریہ کے ریئر ایڈمرل حبیب اللہ سیاری نے امریکہ اور اس کے اتحادیوں کو سخت ترین عسکری انتباہ جاری کرتے ہوئے کہا ہے کہ اگر کسی بھی غیر ملکی فوج نے ایران کے ساحلوں پر اترنے یا داخل ہونے کی کوشش کی، تو یہ پورا علاقہ حملہ آوروں کے لیے ایک عبرتناک جہنم بن جائے گا۔ ایرانی بحریہ کے کمانڈر نے خطے کی حالیہ تزویراتی صورتحال پر گفتگو کرتے ہوئے انکشاف کیا کہ امریکہ نے ماضی میں اور حالیہ کشیدگی کے دوران ایرانی سرزمین پر باقاعدہ عسکری لینڈنگ (اترے) کا ایک منظم منصوبہ بنایا تھا، لیکن وہ ایرانی افواج کی دفاعی صلاحیت اور الرٹ ہائی کمانڈ کی وجہ سے اس منصوبے کو عملی جامہ پہنانے میں بری طرح ناکام رہا ہے۔ ریئر ایڈمرل حبیب اللہ سیاری نے امریکی صدر ڈونلڈ ٹرمپ کے حالیہ فوجی دعووں اور دھمکیوں کو یکسر مسترد کرتے ہوئے واضح کیا کہ ایران کی بحریہ ملکی سمندری حدود کی حفاظت کے لیے ہمہ وقت تیار ہے اور کسی بھی مہم جوئی کا منہ توڑ جواب دیا جائے گا۔