پٹرول 1 روپے 63 پیسے، ڈیزل 1 روپے 55 پیسے فی لٹر مہنگا

وفاقی حکومت نے عوام کو ایک بار پھر مہنگائی کا جھٹکا دیتے ہوئے پٹرولیم مصنوعات کی قیمتوں میں اضافے کا اعلان کر دیا ہے، جس کے تحت پٹرول اور ہائی اسپیڈ ڈیزل دونوں کی قیمتیں بڑھا دی گئی ہیں۔ پٹرولیم ڈویژن کی جانب سے جاری کردہ رسمی نوٹیفکیشن کے مطابق، پٹرول کی فی لیٹر قیمت میں 1 روپے 63 پیسے کا اضافہ کیا گیا ہے، جس کے بعد پٹرول کی نئی قیمت 335 روپے 81 پیسے فی لیٹر کی سطح پر پہنچ گئی ہے۔

اسی طرح گاڑیوں اور بھاری ٹرانسپورٹ میں استعمال ہونے والے ہائی اسپیڈ ڈیزل کی قیمت میں بھی 1 روپے 55 پیسے فی لیٹر اضافہ کر دیا گیا ہے، جس کے بعد ڈیزل کی نئی قیمت 388 روپے 38 پیسے فی لیٹر مقرر کی گئی ہے۔ نوٹیفکیشن کے مطابق نئی قیمتوں کا اطلاق فوری طور پر رات سے ہی نافذ العمل کر دیا گیا ہے۔

پٹرولیم مصنوعات کی قیمتوں میں اس تازہ ترین اضافے کے بعد عوام کی جانب سے شدید تشویش اور ردِعمل کا اظہار کیا جا رہا ہے۔ معاشی ماہرین اور عام شہریوں کا کہنا ہے کہ ڈیزل اور پٹرول مہنگا ہونے کے بلاواسطہ اثرات کے باعث مال برداری (ٹرانسپورٹیشن)، سبزیوں، پھلوں اور دیگر روزمرہ اشیائے خور و نوش کی قیمتوں میں مزید اضافہ ہوگا، جس سے پہلے سے نڈھال عوام پر مہنگائی کا بوجھ مزید بڑھ جائے گا