پٹرولیم مصنوعات کی قیمتوں میں مسلسل دوسرے روز بھی کمی

حکومت نے عوامی ریلیف کے پیشِ نظر ہائی سپیڈ ڈیزل اور پیٹرول کی قیمتوں میں معمولی کمی کا اعلان کر دیا ہے۔ پیٹرولیم ڈویژن کی جانب سے جاری کردہ باضابطہ نوٹیفکیشن کے مطابق پیٹرول کی قیمت میں 1 روپے 93 پیسے فی لیٹر جبکہ ہائی سپیڈ ڈیزل کی قیمت میں 4 روپے 21 پیسے فی لیٹر کمی کی گئی ہے۔ اس ردوبدل کے بعد پیٹرول کی نئی ایکس ڈپو قیمت 390 روپے 12 پیسے فی لیٹر اور ہائی سپیڈ ڈیزل کی نئی قیمت 414 روپے 75 پیسے فی لیٹر مقرر ہو گئی ہے۔

آئل اینڈ گیس ریگولیٹری اتھارٹی (اوگرا) نے حکومتی پیٹرولیم پرائسنگ میکانزم کے تحت 24 ستمبر 2026 سے نئی قیمتوں کا نفاذ کر دیا ہے۔ پیٹرولیم ڈویژن کے ترجمان کے مطابق اعلان کردہ قیمتوں میں تبدیلی عالمی مارکیٹ میں پیٹرولیم مصنوعات کے رجحانات، پلاٹس ریٹس (Platts Rates)، بین الاقوامی پریمیم اور دیگر متعلقہ اخراجات کا جائزر لینے کے بعد کی گئی ہے۔