عوام پر مہنگائی کا ایک اور بم: پٹرول 5 روپے 44 پیسے اور ڈیزل ریکارڈ 31 روپے 5 پیسے مہنگا

حکومت کی جانب سے پٹرولیم مصنوعات کی قیمتوں میں بھاری اضافہ کر دیا گیا ہے، جس کا باقاعدہ نوٹیفکیشن پٹرولیم ڈویژن نے جاری کر دیا ہے۔ نوٹیفکیشن کے مطابق پٹرول کی قیمت میں 5 روپے 44 پیسے فی لٹر اضافہ کیا گیا ہے، جس کے بعد پٹرول کی نئی قیمت 316 روپے 15 پیسے فی لٹر مقرر کر دی گئی ہے۔ دوسری جانب ہائی سپیڈ ڈیزل کی قیمت میں 31 روپے 5 پیسے فی لٹر کا بڑا اضافہ کیا گیا ہے، جس کے بعد ڈیزل کی نئی قیمت 354 روپے 35 پیسے فی لٹر کی سطح پر پہنچ گئی ہے۔ پٹرولیم ڈویژن کے مطابق ان نئی قیمتوں کا اطلاق آج رات 12 بجے سے ہوگا۔