پاکستان میں گدھوں کی تعداد میں اضافہ ، اقتصادی سروے 26-2025 کے اہم نکات سامنے آگیا

قومی اقتصادی سروے 26-2025 کے مطابق رواں مالی سال کے دوران لائیو اسٹاک شعبے نے 3.8 فیصد نمو ریکارڈ کی جبکہ ملک میں گدھوں، گائیوں، بھینسوں، بکریوں، بھیڑوں اور دیگر جانوروں کی تعداد میں بھی اضافہ دیکھا گیا۔

دستاویز کے مطابق گدھوں کی تعداد 61 لاکھ 60 ہزار تک پہنچ گئی، جس میں سالانہ 1.9 فیصد اضافہ ریکارڈ کیا گیا۔ خچروں کی تعداد 2 لاکھ 21 ہزار اور گھوڑوں کی تعداد 3 لاکھ 86 ہزار ہو گئی۔

اقتصادی سروے میں بتایا گیا ہے کہ بھینسوں کی تعداد 4 کروڑ 91 لاکھ سے تجاوز کر گئی جبکہ گائیوں کی تعداد 6 کروڑ 19 لاکھ 60 ہزار تک پہنچ گئی۔ اسی طرح بکریوں کی تعداد 9 کروڑ 18 لاکھ اور بھیڑوں کی تعداد 3 کروڑ 35 لاکھ سے زائد ریکارڈ کی گئی۔

دستاویز کے مطابق اونٹوں کی تعداد بھی بڑھ کر 11 لاکھ 93 ہزار ہو گئی جبکہ ماہی گیری کے شعبے نے رواں مالی سال میں 1.7 فیصد نمو حاصل کی۔