سندھ طاس معاہدے میں پاکستان کی بھارت کے خلاف اہم کامیابی

پاکستان کو سندھ طاس معاہدے سے متعلق بھارت کے خلاف ایک اہم قانونی کامیابی حاصل ہو گئی ہے۔

عالمی ثالثی عدالت نے بھارت کو پاکستانی دریاؤں پر قائم پن بجلی منصوبوں کے ریکارڈ اور آپریشنل لاگ بکس پیش کرنے کا حکم دیا ہے۔ عدالت نے واضح کیا ہے کہ بھارت 9 فروری تک بگلہیار اور کشن گنگا منصوبوں کے تمام آپریشنل لاگ بکس جمع کرائے، اور اگر ریکارڈ فراہم نہ کیا گیا تو اس کی وجہ بھی عدالت کو بتانا ہوگی۔

عدالت نے پاکستان کو ہدایت دی ہے کہ وہ 2 فروری تک واضح کرے کہ کون سی دستاویزات درکار ہیں۔ کیس کے دوسرے مرحلے کی سماعت 2 اور 3 فروری کو دی ہیگ میں ہوگی۔

پاکستان کے لیے یہ قدم سندھ طاس معاہدے کے تنازع میں ایک اہم قانونی پیش رفت کے طور پر دیکھا جا رہا ہے، جس سے پاکستانی موقف کو مضبوطی مل سکتی ہے۔