صدرِ مملکت نے ہائیکورٹس کے ایڈیشنل ججز کی توثیق اور توسیع کی منظوری دیدی

اسلام آباد: صدر مملکت نے سندھ، لاہور اور پشاور ہائیکورٹس کے ایڈیشنل ججز کی توثیق اور کچھ ججز کی مدت میں توسیع کی منظوری دے دی ہے۔

سندھ ہائیکورٹ کے جسٹس میاں محمد شاہ، جسٹس تسنیم سلطانہ، جسٹس ریاضت علی سحر، جسٹس محمد حسن، جسٹس عبد الحمید بھرگی، جسٹس جان علی جونیجو، جسٹس نثار احمد بھنبھرو، جسٹس علی حیدر ’آدا‘، جسٹس محمد عثمان علی ہادی اور جسٹس محمد جعفر رضا کی تقرری کنفرم کر دی گئی ہے۔
ساتھ ہی جسٹس خالد حسین شاہانی اور جسٹس سید فیض الحسن شاہ کی مدت میں چھ ماہ کی توسیع کی گئی۔

لاہور ہائیکورٹ کے ججز حسن نواز مخدوم، ملک وقار حیدر اعوان، سردار اکبر علی، سید احسن رضا کاظمی، ملک جاوید اقبال وینس، محمد جواد ظفر، خالد اسحاق، ملک محمد اویس خالد، چوہدری سلطان محمود، تنویر احمد شیخ اور عابر گل خان کی تقرری کنفرم کی گئی۔ جسٹس طارق محمود باجوہ کی مدت میں چھ ماہ کی توسیع کی منظوری دی گئی۔

پشاور ہائیکورٹ کے جسٹس محمد طارق آفریدی، عبدالفیاض، صلاح الدین، صادق علی، سید مدثر امیر اور قاضی جواد احسن اللہ کی تقرری بھی کنفرم ہوئی جبکہ جسٹس فرح جمشید، انعام اللہ خان، ثابت اللہ خان اور اورنگزیب کی مدت میں چھ ماہ توسیع کی گئی۔

یہ منظوری جوڈیشل کمیشن کی سفارشات اور وزیراعظم کے مشورے کے بعد دی گئی۔