پاکستان کسٹمز نے 32 کروڑ روپے سے زائد مالیت کی منشیات کی اسمگلنگ ناکام بنا دی

پاکستان کسٹمز نے انٹرنیشنل میل کے ذریعے 32 کروڑ روپے سے زائد مالیت کی نشہ آور گولیاں اسمگل کرنے کی کوشش ناکام بنا دی ہے۔ ایف بی آر کے مطابق یہ گولیاں جرمنی سے آنے والے پارسل میں چھپائی گئی تھیں۔
ذرائع کے مطابق پارسل کو کپڑوں اور الیکٹرانکس کے طور پر ڈکلیئر کیا گیا تھا، تاہم بروقت کارروائی کے نتیجے میں یہ بڑی مقدار کی منشیات پاکستان کی مارکیٹ تک پہنچنے سے پہلے پکڑ لی گئی۔
ایف بی آر نے واضح کیا ہے کہ اسمگلنگ کی روک تھام کے لیے تمام چینلز، بشمول انٹرنیشنل میل، کی سخت نگرانی جاری ہے تاکہ ملک میں منشیات کی غیر قانونی ترسیل کو ہر ممکن طور پر روکا جا سکے۔