معاشی محاذ پر مثبت پیش رفت، کرنٹ اکاؤنٹ خسارہ 70 فیصد کم ہوگیا

پاکستان کی معیشت کے لیے بڑی پیشرفت سامنے آئی ہے، جہاں اگست کے دوران ملکی کرنٹ اکاؤنٹ خسارے میں سالانہ بنیاد پر 70 فیصد کی نمایاں کمی ریکارڈ کی گئی ہے، جبکہ بڑی صنعتوں (LSM) کی پیداوار میں ماہانہ بنیاد پر 9.5 فیصد کا شاندار اضافہ ہوا ہے۔ ادارہ شماریات کے مطابق مالی سال 2027ء کے ابتدائی دو ماہ میں کرنٹ اکاؤنٹ خسارہ سالانہ بنیاد پر 36 فیصد کم ہوا ہے۔ اس کے علاوہ مالی سال 2026ء میں کارپوریٹ منافع میں 15 فیصد جبکہ کمپنیوں کی نئی رجسٹریشنز میں 45 فیصد اضافہ ہوا، دوسری جانب پاکستان کے سرکاری زرمبادلہ کے ذخائر بھی 21.4 ارب ڈالر کی ریکارڈ سطح پر پہنچ گئے ہیں۔

معاشی اعداد و شمار کے مطابق ابتدائی دو ماہ کے دوران ترسیلاتِ زر 17 فیصد اضافے سے 7.3 ارب ڈالر تک پہنچ گئی ہیں۔ اسی طرح سروسز کی برآمدات میں 29 فیصد، آئی ٹی برآمدات میں 17 فیصد اور فری لانسرز کی آمدن میں 42 فیصد کا بڑا اضافہ دیکھا گیا۔ ملک میں براہِ راست غیر ملکی سرمایہ کاری (FDI) 316 ملین ڈالر رہی جس میں سالانہ بنیاد پر 80 فیصد اضافہ ہوا۔ روشن ڈیجیٹل اکاؤنٹ کی مجموعی ترسیلات 13.9 ارب ڈالر تک پہنچ گئیں جبکہ پاکستان کے ‘سسٹین ایبل پانڈا بانڈ’ کو ‘کلائمیٹ بانڈز ایوارڈ’ سے بھی نوازا گیا۔ انویسٹ پاک کے ریٹیل سرمایہ کاروں کی تعداد 12,800 ہو گئی ہے جبکہ رواں مالی سال کے دو ماہ میں 5 نئے