پاک فوج اور چینی پی ایل اے کا مشترکہ فوجی مشق ’وارئیر-IX‘ کا آغاز

پاکستان آرمی اور چین کی پیپلز لبریشن آرمی (PLA) نے مشترکہ فوجی مشق وارئیر-IX کا باضابطہ آغاز کر دیا ہے۔ یہ مشق دونوں ممالک کے درمیان سالانہ بنیادوں پر ہونے والی انسدادِ دہشت گردی مشقوں کا نواں سلسلہ ہے، جو دونوں “آئرن کلاڈ برادرز” کے مضبوط تعلق کی علامت ہے۔
مشق یکم دسمبر 2025 سے شروع ہوئی، جس میں بنیادی توجہ انسدادِ دہشت گردی کارروائیوں پر مرکوز ہے۔ اس کا مقصد دونوں ممالک کی افواج کے مابین باہمی تعاون، پیشہ ورانہ مہارتوں میں بہتری، اور جدید جنگی حکمتِ عملیوں کے تبادلے کو فروغ دینا ہے۔
آئی ایس پی آر کے مطابق پاکستان اور چین کے درمیان دیرینہ، آزمودہ دفاعی تعاون موجود ہے جو باہمی اعتماد اور اسٹریٹجک شراکت داری پر قائم ہے۔ مشق وارئیر-IX دونوں ممالک کے مضبوط فوجی تعلقات کا عملی ثبوت ہے اور خطے میں امن، استحکام اور سیکیورٹی کے لیے ان کی مشترکہ وابستگی کی عکاس ہے۔
نیشنل کاؤنٹر ٹیررازم سینٹر (NCTC) پبی میں ہونے والی افتتاحی تقریب میں منگلا کور کے کمانڈر، میجر جنرل بیان شیاؤمِنگ، پی ایل اے ویسٹرن تھیٹر کمانڈ کے ڈپٹی چیف آف اسٹاف، اور پاکستان و چین کے دیگر سینئر عسکری حکام نے شرکت کی