LIVE TV
Watch Now
Gold:
Intl: /g (22K) PK: /g (22K)
Stocks:
NY: ▲ ▼
China: ▲ ▼
Pakistan: ▲ ▼
India: ▲ ▼
TV ONE Logo
اہم خبریں
مکہ معاہدے کے تحت سعودی عرب کا دفاع ترجیح ہے، حاقان فیدان مولانا فضل الرحمان جہاں غلط ہوں گے وہاں کہا جائےگا: گورنر خیبر پختوںخوا خیبر پختونخوا کے ترقیاتی پیکیج کے 10 ارب روپے جاری ہونا خوش آئند: ثمر بلور پاکستان تحریک انصاف نے ایڈووکیٹ نیاز اللہ خان نیازی کو پارٹی کی سیاسی کمیٹی میں بھی شامل کر لیا پاکستان اورعمان کے درمیان پٹرولیم مصنوعات کی خرید و فروخت کا اہم معاہدہ طے پا گیا مخصوص طبقہ ملک پرمسلط، اِن سےجان چھڑانی ہوگی: حافظ نعیم الرحمٰن 12 مئی دوبارہ نہیں ہونے دیں گے، مذاکرات ہی مسائل کا حل ہیں، میئر کراچی ایک وزیر آجکل مجھ پر تبصرے کر رہا ہے، جواب دیا تو منہ چھپانےکے قابل نہیں رہےگا: محسن نقوی استنبول: ساتویں عالمی ویمن سمٹ، اعظم نذیر تارڑ کی قیادت میں پاکستانی وفد کی شرکت پاکستان 23 سے 26 نومبر تک اسلام آباد میں نیوکلیئر سیکیورٹی نیٹ ورک کے 15ویں سالانہ اجلاس کی میزبانی کرے گا پاکستان تحریک انصاف خیبر پختونخوا کے اراکینِ قومی اسمبلی کا اسلام آباد میں اہم اجلاس نئے صوبوں کا قیام ملک کی ترقی اور سلامتی کیلئے ناگزیر ہے: مصطفیٰ کمال محسن نقوی کا نادرا سنٹر پیکو روڈ کا دورہ، مسائل کے حل کیلیے موقع پر ہی احکامات جاری سرکاری قرضوں میں ایک سال کے دوران 6 ہزار 200 ارب روپے کا بھاری اضافہ ایران اور روس کے درمیان جوہری تعاون جاری رہے گا: روسی عہدیدار

وزیراعظم شہباز شریف آج دو روزہ سرکاری دورے پر بحرین روانہ ہوں گے

Web Desk

25 November 2025

اسلام آباد: وزیراعظم شہباز شریف آج دو روزہ سرکاری دورے پر بحرین روانہ ہوں گے، جہاں وہ بحرین کی قیادت سے تجارت، سرمایہ کاری، توانائی اور دیگر شعبوں میں تعاون کے فروغ پر بات چیت کریں گے۔ اس دورے کو دونوں برادر ممالک کے درمیان دیرینہ اور ہمہ جہتی تعلقات کی تجدید اور مزید مضبوطی کا اہم موقع قرار دیا جا رہا ہے۔

ترجمان دفتر خارجہ کے مطابق وزیراعظم کے ہمراہ ایک اعلیٰ سطح کا وفد بھی جائے گا، جس میں نائب وزیراعظم و وزیر خارجہ اسحاق ڈار، وفاقی وزرا اور دیگر سینئر حکام شامل ہوں گے۔

بیان میں بتایا گیا کہ وزیراعظم بحرین کی قیادت کے ساتھ اعلیٰ سطح کی ملاقاتیں کریں گے، جن میں تجارت، سرمایہ کاری، توانانی، ٹیکنالوجی، تعلیم اور ثقافت سمیت مختلف شعبوں میں دوطرفہ تعاون بڑھانے پر تبادلہ خیال ہوگا۔

ترجمان نے مزید کہا کہ یہ دورہ پاکستان اور بحرین کے درمیان روایتی طور پر گرم جوش، دوستانہ اور باہمی اعتماد پر مبنی تعلقات کو مزید مضبوط بنائے گا، ساتھ ہی عوامی سطح پر روابط میں اضافہ اور نئی شراکت داری کے مواقع کی نشان دہی میں مددگار ثابت ہوگا۔

دفتر خارجہ کے مطابق وزیراعظم کا یہ سرکاری دورہ سلطنت بحرین کے ساتھ پاکستان کی مسلسل سفارتی مصروفیت اور اسٹریٹجک شراکت داری کو فروغ دینے کے عزم کا اظہار ہے۔