پنجاب بھر سے غیر قانونی مقیم غیر ملکی باشندوں کے انخلا کا عمل جاری

ترجمان پنجاب پولیس کے مطابق صوبہ بھر سے غیر قانونی طور پر مقیم غیر ملکی باشندوں کے انخلاء کا عمل بلا تعطل جاری ہے۔ اب تک لاہور سمیت پنجاب کے مختلف اضلاع سے 37,000 افغان شہریوں سمیت غیر قانونی غیر ملکی باشندوں کو ڈی پورٹ کیا جا چکا ہے، جبکہ 214 افراد فی الوقت ہولڈنگ پوائنٹس پر موجود ہیں۔ ترجمان نے بتایا کہ ڈی پورٹ ہونے والوں میں 14,954 مرد، 7,254 خواتین اور 14,783 بچے شامل ہیں۔ قانونی دستاویزات اور حیثیت کے لحاظ سے ڈی پورٹ کیے گئے افراد میں 11,145 رہائشی ثبوت (Proof of Registration) کے حامل، 11,137 افغان سٹیزن کارڈ (ACC) ہولڈرز اور 14,709 مکمل طور پر بغیر کسی قانونی دستاویز کے مقیم غیر ملکی شامل ہیں۔