امریکا ایران معاہدے کی امید، عالمی منڈی میں خام تیل مزید سستا

امریکا اور ایران کے درمیان ممکنہ معاہدے کی خبروں کے باعث عالمی منڈی میں خام تیل کی قیمتوں میں مزید کمی ریکارڈ کی گئی ہے۔

عالمی تجارتی منڈی میں خام تیل کی قیمت تقریباً 3 فیصد کم ہو گئی، جس کے بعد سرمایہ کاروں کی توجہ توانائی کی عالمی رسد میں ممکنہ اضافے پر مرکوز ہوگئی ہے۔

تازہ اعداد و شمار کے مطابق ویسٹ ٹیکساس انٹرمیڈیٹ خام تیل کی قیمت کم ہو کر 85 ڈالر فی بیرل کی سطح پر آ گئی ہے۔

اسی طرح مربن خام تیل 83 ڈالر فی بیرل میں فروخت ہو رہا ہے۔

ماہرین کے مطابق امریکا اور ایران کے درمیان ممکنہ پیش رفت کی صورت میں عالمی منڈی میں تیل کی فراہمی بڑھنے کے امکانات ہیں، جس کے باعث قیمتوں پر دباؤ برقرار رہ سکتا ہے۔