اوگرا نے آر ایل این جی کی قیمتوں میں 20 فیصد سے زائد کمی کردی

ائل اینڈ گیس ریگولیٹری اتھارٹی (اوگرا) نے ستمبر 2026ء کے لیے ری گیسیفائیڈ لیکویفائیڈ نیچرل گیس (RLNG) کی قیمتوں میں نمایاں کمی کا باضابطہ نوٹیفکیشن جاری کر دیا ہے۔ اوگرا کی جانب سے جاری کردہ تفصیلات کے مطابق سوئی نادرن گیس پائپ لائنز لمیٹڈ (SNGPL) اور سوئی سدرن گیس کمپنی لمیٹڈ (SSGCL) دونوں کے سسٹم پر آر ایل این جی کے نرخوں میں بالترتیب 20 فیصد اور 21 فیصد سے زائد کی کمی ریکارڈ کی گئی ہے۔

نوٹیفکیشن کے تحت سوئی نادرن کے لیے آر ایل این جی کی قیمت 20.14 فیصد کمی کے بعد 15.1963 ڈالر فی ایم ایم بی ٹی یو (MMBTU) مقرر کی گئی ہے، جبکہ سوئی سدرن کے لیے قیمت میں 21.57 فیصد کمی کی گئی ہے جس سے نئی قیمت 14.2233 ڈالر فی ایم ایم بی ٹی یو ہو گئی ہے۔ اوگرا نے واضح کیا ہے کہ آر ایل این جی کی ان نئی اور ڈسکاؤنٹڈ قیمتوں کا فوری اطلاق یکم ستمبر 2026ء سے شمار کیا جائے گا۔