ضمنی انتخابات میں کامیاب امیدواروں کا نوٹیفکیشن جاری

الیکشن کمیشن آف پاکستان نے قومی اسمبلی کی 5 اور صوبائی اسمبلی کی 7 نشستوں پر ہونے والے ضمنی انتخابات میں کامیاب امیدواروں کے نوٹیفکیشن جاری کر دیے۔ نوٹیفکیشن کے مطابق قومی اسمبلی کے حلقہ این اے 18 ہری پور سے بابر نواز خان، این اے 104 فیصل آباد سے دانیال احمد اور این اے 129 لاہور سے محمد نعمان کامیاب قرار پائے۔ اسی طرح این اے 143 سے محمد طفیل اور این اے 185 سے محمود قادر خان کی کامیابی کا نوٹیفکیشن بھی جاری کر دیا گیا ہے۔

الیکشن کمیشن کے مطابق ضابطہ اخلاق کی خلاف ورزی کے باعث این اے 96 فیصل آباد کا نتیجہ روک لیا گیا ہے جہاں سے طلال چوہدری کے بھائی بلال بدر کامیاب قرار پائے تھے، تاہم ان کا باضابطہ نوٹیفکیشن تاحال جاری نہیں کیا گیا

صوبائی اسمبلی کے نتائج کے مطابق پی پی 73 سرگودھا سے میاں سلطان علی رانجھا، پی پی 87 میانوالی سے علی حیدر نور، پی پی 98 فیصل آباد سے آزاد علی تبسم، پی پی 115 سے محمد طاہر پرویز، پی پی 203 ساہیوال سے محمد حنیف، پی پی 116 فیصل آباد سے احمد شہریار اور پی پی 269 مظفر گڑھ سے میاں علمدار عباس قریشی کی کامیابی کا نوٹیفکیشن بھی جاری کر دیا گیا ہے۔اس سے قبل الیکشن کمیشن کی جانب سے ان حلقوں پر ضمنی انتخابات کے دوران ہونے والے ووٹر ٹرن آؤٹ سے متعلق تفصیلات بھی شائع کی گئی تھیں