خیبرپختونخوا میں دو کارروائیوں میں نو خوارج ہلاک

خیبرپختونخوا میں سیکیورٹی فورسز نے دو کارروائیوں کے دوران دہشت گردوں کے خلاف موثر کارروائی کرتے ہوئے نو خوارج کو ہلاک کر دیا۔ آئی ایس پی آر کے مطابق، ٹانک میں آپریشن کے دوران سات خوارج ہلاک ہوئے جبکہ لکی مروت میں سیکورٹی فورسز کی کارروائی میں دو خوارج مارے گئے۔ کارروائی کے دوران بھارتی سپانسر شدہ خوارج کے قبضے سے اسلحہ بھی برآمد کیا گیا۔ہلاک ہونے والے خوارج سیکیورٹی فورسز اور شہریوں پر حملوں میں ملوث تھے۔ آئی ایس پی آر نے بتایا کہ علاقے میں مزید دہشت گردوں کی تلاش کے لیے کلیئرنس آپریشن جاری ہے۔ پاکستان عزم و استحکام کے ساتھ انسداد دہشت گردی کے آپریشنز پوری قوت سے جاری رکھے گا اور ہر طرح کی غیر ملکی حمایت یافتہ دہشت گردی کا خاتمہ کرے گا