ساتواں انٹر نیشنل کنزیومر پروڈکٹ فیئر 2025، پاکستانی صنعتی شعبہ کی ترقی و توسیع کا نیا باب

جنوبی ایشیا کا سب سے بڑا سالانہ انٹرنیشنل کنزیومر انڈسٹری ایکسپو اور کانفرنس اس سال پاکستان میں شاندار انداز میں منعقد ہورہا ہے۔ ساتواں انٹر نیشنل کنزیومر پروڈکٹ فیئر 2025 گیارہ سے چودہ دسمبر تک کراچی ایکسپو سینٹر میں جاری رہے گا۔
نمائش میں دنیا بھر سے 2,000 سے زائد معروف برانڈز شرکت کر رہے ہیں جبکہ 55,000 سے زائد ملکی و غیر ملکی وزیٹرز کی آمد متوقع ہے۔ اس ایونٹ میں 850 سے زیادہ بین الاقوامی نمائش کنندگان اپنی نئی مصنوعات اور ٹیکنالوجیکل جدت پیش کریں گے۔
کنزیومر پروڈکٹ فیئر میں صارفین، ریٹیلرز، امپورٹرز اور انویسٹرز ایک ہی پلیٹ فارم پر موجود ہوں گے جسے پاکستان میں تجارت اور صنعتی روابط کے فروغ کے لیے انتہائی اہم موقع قرار دیا جا رہا ہے۔
ایس آئی ایف سی (Special Investment Facilitation Council) پاکستانی صنعتی شعبہ کی ترقی اور توسیع میں اہم کردار ادا کر رہی ہے جبکہ اس نمائش کے ذریعے پاکستان میں سرمایہ کاری، بزنس پارٹنرشپ اور صنعتی تعاون کے نئے امکانات روشن ہونے کی توقع ہے۔
نمائش کے دوران مختلف سیشنز، پروڈکٹ لانچنگ اور بزنس میٹنگز بھی منعقد کی جائیں گی جو پاکستان کے کنزیومر اور انڈسٹری سیکٹر کے لیے ایک اہم پیش رفت ثابت ہوں گی۔