نیتن یاہو کی حملے کی صورت میں ایران کو سخت جواب کی دھمکی

اسرائیلی وزیراعظم بنیامین نیتن یاہو نے ایک بار پھر ایران کو سخت ترین نتائج کی دھمکی دیتے ہوئے واضح کیا ہے کہ اگر اسرائیل پر کسی بھی نوعیت کا حملہ کیا گیا تو اس کا جواب پوری قوت اور فیصلہ کن انداز میں دیا جائے گا۔ ایرانی قیادت کو براہِ راست خبردار کرتے ہوئے اسرائیلی وزیراعظم کا کہنا تھا کہ تہران اس غلط فہمی میں نہ رہے کہ اسرائیل پر حملہ ہوگا اور وہ خاموش تماشائی بنا رہے گا۔ نیتن یاہو نے مزید کہا کہ وہ دور اب گزر چکا ہے جب اسرائیل پر حملے کیے جاتے تھے اور اس کی جانب سے کوئی فیصلہ کن ردِعمل سامنے نہیں آتا تھا، اب ہر جارحیت کا منہ توڑ جواب دیا جائے گا۔