ایرانی حکومت کا تختہ الٹ دیں گے، حزب اللہ کو بھی ختم کیا جائے گا: نیتن یاہو

اسرائیلی وزیراعظم بنیامین نیتن یاہو نے ایران کے حوالے سے سخت اور شدید ترین بیان جاری کرتے ہوئے اعلان کیا ہے کہ اسرائیلی ریاست کی اس وقت اولین ترجیح ایرانی حکومت کو شکست دینا اور اس کا تختہ الٹنا ہے۔ غیر ملکی خبر رساں ایجنسی کے مطابق نیتن یاہو نے اپنے بیان میں واضح کیا کہ اسرائیل کی موجودہ تزویراتی جنگی حکمتِ عملی میں سب سے پہلا اور اہم ترین ہدف تہران میں قائم حکومت کو گرانا ہے۔

اسرائیلی وزیراعظم نے مزید کہا کہ “ہم سب سے پہلے ایرانی حکومت کو شکست دیں گے اور اس کا تختہ الٹ دیں گے، اور جب یہ حکومت گر جائے گی تو اس کے بعد ہم حزب اللہ سے بھی نمٹیں گے اور اس کا خاتمہ بھی یقینی بنائیں گے”۔ نیتن یاہو کے اس بیان کے بعد مشرقِ وسطیٰ میں جاری شدید عسکری کشیدگی میں مزید اضافہ اور خطرناک صورتحال پیدا ہونے کے خدشات ظاہر کیے جا رہے ہیں۔